Сёння адзначаецца Міжнародны дзень мігранта. Якія яшчэ падзеі адбыліся 18 снежня і чым адзначаны гэты дзень у народным календары, чытайце далей:

У 1882 годзе ў Беларусі былі праведзены першыя тэлефонныя лініі. Яны злучылі гомельскі маёнтак князя Паскевіча-Эрыванскага з яго замкам, фабрыкамі і фальваркамі.

У 1965 годзе ў Мінску быў уведзены ў строй самы буйны ў Беларусі малочны завод.

1883 год: Мікалай Бонч-Асмалоўскі, беларускі і расійскі савецкі мастак.

1928 год: Эдуард Загарульскі, беларускі гісторык, археолаг.

Таксама сёння нарадзіліся амерыканскі акцёр Брэд Піт і амерыканская спявачка Крысціна Агілера.

Сёння праваслаўныя вернікі шануюць памяць святога Савы, які мог вылечваць хворых і выганяць з людзей бесаў.

У гэты дзень сяляне імкнуліся не выходзіць з хаты без патрэбы, таму што звычайна на Саву быў моцны мароз. Людзі верылі, што на Саву нельга займацца ніякай сур`ёзнай працай, таму што нічога ўсё роўна не атрымаецца, таму бераглі лучыну і рана клаліся спаць.

Калі 18 снежня на снезе бачылі вавёрак, гэта прадказвала хуткую адлігу. Спевы гіля, наадварот, абяцалі завіруху і холад.

Sputnik, 18 снежня 2023