Якія падзеі адбыліся 24 чэрвеня і чым адзначаны гэты дзень у народным календары, чытайце далей:

1812. армія Напалеона Банапарта пераправілася цераз раку Нёман, пачалася Айчынная вайна 1812 года.

1945. на Краснай плошчы ў Маскве адбыўся парад Перамогі.

1777. Ян Ходзька, пісьменнік, публіцыст, грамадскі дзеяч.

1900. Кузьма Чорны, беларускі пісьменнік.

1907. Язэп Зазека, беларускі пісьменнік, навуковец, педагог.

1949. Уладзімір Тоўсцік, беларускі мастак.

Таксама сёння нарадзіліся польскі мастак Ян Матэйка і англійскі астраном і пісьменнік Фрэд Хойл.

Сёння праваслаўныя вернікі шануюць памяць апосталаў Варфаламея і Варнавы. Апостал Варфаламей быў адным з 12 вучняў Ісуса, Варнава – вучнем апостала Паўла, апосталам ад 70-ці.

Апостала ў народзе празвалі Варнава Сунічнік, бо ў лесе да гэтага часу ўжо выспяваюць суніцы. Іх хадзілі збіраць у лес, а вось ірваць у гэты дзень траву было забаронена, каб не прынесці з ёй у хату нячыстую сілу. Верылі нават, што лекавыя зёлкі на Варнаву становяцца атрутнымі.

Калі 24 чэрвеня туман, будзе добры ўраджай грыбоў, а цёплая ноч прадвяшчае мноства садавіны.

Sputnik, 24 чэрвеня 2023