Аўтамабілем "Мазда", які ўехаў у падземны пераход у Мінску, кіраваў вадзіцель 1971 года нараджэння ў стане алкагольнага ап`янення, які не меў вадзіцельскага пасведчання, паведамляе ГУУС Мінгарвыканкама.
Інцыдэнт адбыўся 15 верасня ў 23.35. Вадзіцель на аўтамабілі "Мазда" рухаўся па праспекце Незалежнасці з боку плошчы Калініна ў напрамку вуліцы Акадэмічнай. Пры праездзе скрыжавання з вуліцай Сурганава на забараняльны сігнал святлафора ён здзейсніў сутыкненне з аўтамабілем "Лада-Веста", які рухаўся на зялёнае святло па вуліцы Сурганава ў напрамку вуліцы Кузьмы Чорнага.
У выніку сутыкнення аўтамабіль "Мазда" выехаў на тратуар і з`ехаў у падземны пераход станцыі метро "Акадэмія навук" (каля дома № 79 па праспекце Незалежнасці). У ДТЗ ніхто не пацярпеў.
Устаноўлена, што вадзіцель аўтамабіля "Мазда" раней неаднаразова прыцягваўся да крымінальнай адказнасці за маёмасныя злачынствы.
Ён затрыманы і дастаўлены ў Савецкае РУУС Мінска. У дачыненні да мужчыны складзены адміністрацыйныя пратаколы, праводзіцца праверка.
Андрэй Серада, БелаПАН
Мінск, 16 верасня 2018
Мінск, 16 верасня 2018
Ссылка на текущий документ: http://belarus.kz/aktueller/2-0/565/44966
Текущая дата: 27.12.2024