Гэты дзень з`яўляецца сто сорак сёмым па грыгарыянскім календары, да канца года засталося 219 дзён.
Якія падзеі адбыліся 26 траўня і чым адзначаны гэты дзень у народным календары, чытайце далей:
Гістарычныя падзеі 26 траўня
У 1926 годзе пачало дзейнасць у БССР літаратурнае аб’яднанне "Узвышша".
У 1926 годзе быў заснаваны Беларускі інстытут гаспадаркі і культуры (БІГіК) у Вільні.
У 1976 годзе ў Мінску ўстаноўлены мемарыяльны знак у гонар Тараса Шаўчэнкі.
У 1992 годзе Беларусь устанавіла дыпламатычныя адносіны з Ізраілем.
Хто нарадзіўся 26 траўня
1910 год: Эдзі Рознер, джазавы трубач, заслужаны артыст Беларусі.
1958 год: Аляксандр Кушнярэвіч, беларускі археолаг.
Таксама сёння нарадзіліся амерыканскія акцёр Джон Уэйн і джазавы музыкант Майлс Дэйвіс.
26 траўня ў народным календары
Сёння праваслаўныя вернікі шануюць памяць пакутніцы Глікерыі Іраклійскай, якую ў народзе празвалі Лукер`я Камарніца, таму што ў гэты перыяд з`яўляюцца першыя камары.
Калі да 26 траўня камары ўжо лятаюць, значыць, летам будзе шмат ягад. Таксама ў народзе верылі, што ўбачыць вялікага камара абяцае добры год. А калі камароў мала і яны маленькія – гэта дрэнна, бо будзе мала аўса і травы.
Sputnik, 26 траўня 2024
Ссылка на текущий документ: http://belarus.kz/aktueller/2-3/1/74242
Текущая дата: 26.06.2024