Якія падзеі адбыліся 14 красавіка і чым азнаменаваны гэты дзень у народным календары, чытайце далей:

У 1432 годзе пачаталося валадарства Жыгімонта Кейстутавіча, вялікага князя літоўскага, які доўгі час не ўсімі часткамі ВКЛ прызнаваўся за законнага валадара.

У 1923 годзе ў Вільні скончыўся з’езд педагогаў беларускіх гімназій.

У 1988 годзе ў Варшаве адбыўся заснавальніцкі сход Беларускага аб`яднання студэнтаў.

1853 год: Уладзімір Завітневіч, беларускі археолаг і гісторык.

1880 год: Язэп Дыла, беларускі пісьменнік і культурны дзеяч.

1885 год: Сымон Рак-Міхайлоўскі, беларускі публіцыст, грамадскі і палітычны дзеяч.

1910 год: Алесь Пруднікаў, беларускі паэт.

1920 год: Аляксей Карпюк, беларускі пісьменнік, грамадскі дзеяч.

Таксама сёння нарадзіліся рускі пісьменнік Дзянiс Фанвізін і літоўскі кінарэжысёр Вітаўтас Жалакявічус.

14 красавіка ў народным календары

Па гэтым дні можна даведацца, якое надвор`е будзе летам. Так, калі сонечна, лета таксама будзе цёплым, а калі пахмурна і хмары нізка плывуць – вясна працягнецца доўга і будзе халоднай, а лета – кароткім.

Sputnik, 14 красавіка 2020