Якія падзеі адбыліся 12 студзеня і чым адзначаны гэты дзень у народным календары, чытайце далей:

У 1581 годзе Пінск атрымаў герб.

У 1591 годзе Мінск атрымаў герб.

У 1895 годзе У Мінску пачала працаваць першая электрастанцыя.

У 2007 годзе была ўведзена ў эксплуатацыю Салігорская ГЭС.

1888 год: Язэп Каранеўскі, беларускі дзяржаўны дзеяч, педагог, другі рэктар БДУ.

1901 год: Антаніна Абрэмбская-Яблонская, польскі мовазнавец, якая склала "Падручны польска-беларускі слоўнік", першы і шматгадовы кіраўнік Кафедры беларускай філалогіі Варшаўскага універсітэта.

1941 год: Уладзімір Мулявін, заснавальнік "Песняроў", народны артыст Беларусі.

Таксама сёння нарадзіліся французскі казачнік Шарль Перо, амерыканскі пісьменнік Джэк Лондан і японскі пісьменнік Харукі Муракамі.

Сёння праваслаўныя вернікі шануюць памяць святой Анісіі Салунскай. Ёй маліліся людзі, якія пакутвалі ад захворванняў страўніка.

У гэты дзень рэзалі дамашнюю птушку і свіней. У народзе верылі, што па вантробах жывёл можна прадказаць, якая будзе зіма: калі печань тоўстая, з тлушчам, прыйдуць маразы, без тлушчу – да цёплай зімы, пусты страўнік сведчыў пра зацяжную зіму, а роўная селязёнка прадказвала надыход халадоў.

12 студзеня забаранялася шыць і прасці, а таксама саліць ежу.

Калі гэты дзень быў сонечны, гэта сведчыла пра тое, што хутка вернуцца пералётныя птушкі.

Sputnik, 12 студзеня 2024