Якія яшчэ падзеі адбыліся 25 траўня і чым адзначаны гэты дзень у народным календары, чытайце далей:

У 1907 годзе ў Вільнюсе адбыўся з’езд настаўнікаў, на якім быў створаны Беларускі настаўніцкі саюз.

У 1938 годзе У Мінску адкрыўся Беларускі дзяржаўны тэатр оперы і балета (зараз Нацыянальны акадэмічны Вялікі тэатр оперы і балета).

У 1991 годзе ў Мінску пачаўся I Міжнародны кангрэс беларусістаў.

У 1992 годзе Беларусь усталявала дыпламатычныя адносіны з Кувейтам.
У 2001 годзе Беларусь усталявала дыпламатычныя адносіны з Ісландыяй.

1933 год: Рамуальд Клім, беларускі спартсмен, рэкардсмен свету.

1937 год: Сяргей Сідор, беларускі географ, прафесар БДУ.

Таксама сёння нарадзіліся амерыканскі паэт і філосаф Ральф Уолда Эмерсан і рускі і амерыканскі авіяканструктар, вучоны, вынаходнік Ігар Сікорскі.

Сёння праваслаўныя вернікі шануюць памяць свяціцеля Епіфана.

У народным календары гэты дзень атрымаў назву Рабінаўка, таму што звычайна пачынае квітнець рабіна. У гэты дзень зрывалі галінку дрэва і прыносілі дадому – чым больш яна прастаіць, тым больш паспяховы для сям`і будзе год.

Калі раніцай цёпла і сонечна, летам будзе горача і суха. Шмат хрушчоў таксама прадвяшчаюць сухое лета. Аблокі ўвечары прадвяшчаюць перамену надвор`я.

Sputnik, 25 траўня 2023