Якія падзеі адбыліся 19 ліпеня і чым азнаменаваны гэты дзень у народным календары, чытайце далей:

У 1450 годзе ўпершыню быў узгаданы горад Узда.

У 1972 годзе Івану Мележу і Івану Шамякіну былі прысвоены званні народных пісьменнікаў Беларусі.

1869 год: Лявон Вітан-Дубейкаўскі, дзеяч беларускага нацыянальнага руху, інжынер-будаўнік, паэт.

1927 год: Міхась Саўка, беларускі і бельгійскі мастак-рэстаўратар.

Таксама сёння нарадзіліся французскі мастак Эдгар Дэга і рускі паэт Уладзімір Маякоўскі.

Сёння праваслаўныя вернікі шануюць памяць Сысоя Вялікага, святапакутніка Ермія і іншых пакутнікаў, якія пацярпелі за веру ў ІІІ ст.

У гэты час на траве звычайна з`яўляецца шмат расы. Нашы продкі верылі, што каб захаваць здароўе, трэба раніцай пабегаць па траве.

Дзяўчыны мылі твар расой, каб даўжэй заставацца прыгожымі.

У дамах рыхтавалі склепы да будучага ўраджаю – чысцілі іх.

Калі аблокі 19 ліпеня жаўтаватага колеру, будуць працяглыя дажджы.

Sputnik, 19 ліпеня 2022