Белорусский портал в Казахстане

У Гомелі аператыўнікі наркакантролю канфіскавалі буйную партыю насвая



Пра гэта паведамляе ў Тэлеграм-канале прэс-сакратар МУС Вольга Чамаданава.

У пятніцу раніцай супрацоўнікі АНіСГЛ Цэнтральнага РАУС Гомеля канфіскавалі ў 46-гадовага жыхара аблцэнтра буйную партыю непалільных тытунёвых вырабаў насвай.

Скрынкі з гэтым рэчывам былі выяўленыя падчас агляду гаспадарчых пабудоў і дома, дзе пражывае мужчына. Агульная вага зелля склала каля 29 кг - гэта прыкладна 960 доз.

Паводле інфармацыі супрацоўнікаў наркакантролю, насвай прызначаўся для незаконнай рэалізацыі на рынку ў Гомелі.

У дачыненні да фігуранта складзены адміністрацыйны пратакол па ч.2 ст.16.10 (незаконныя дзеянні з некурыльнымі тытунёвымі вырабамі, прызначанымі для смактання і (або) жавання) КаАП Рэспублікі Беларусь. 

Раней мужчына ўжо прыцягваўся да адміністрацыйнай адказнасці за аналагічнае правапарушэнне.

Судом Цэнтральнага раёна Гомеля правапарушальніку прызначана пакаранне ў выглядзе васьмі сутак адміністрацыйнага арышту.

Звязда, 7 снежня 2019

Ссылка на текущий документ: http://belarus.kz/aktueller/2-402/1/50857
Текущая дата: 30.09.2020