"Мы не ўваходзім у супярэчнасць з Расіяй. Ёсць пагадненне ад 2009 года аб прамысловай зборцы аўтамабіляў, дзе гаворыцца, што за некалькі гадоў (здаецца, за сем) мы павінны выйсці на ўзровень лакалізацыі вытворчасці не менш як 50%", — сказаў Сямашка. Ён адзначыў, што, згодна з разлікамі, "калі мы штампуем дэталі, зварваем, фарбуем, вырабляем падвеску, генератары, то мы з запасам трапляем у гэтыя 50% і выконваем умовы гэтага міжурадавага пагаднення".

Паводле слоў Сямашкі, у межах праекта першыя два аўтамабілі ўжо сабраны і праходзяць сертыфікацыю. "Праз тры месяцы мы павінны мець сертыфікат Made in Belarus", — паведаміў ён.

Сямашка падкрэсліў, што на першым этапе будзе ажыццяўляцца адвёртачная зборка на плошчах Барысаўскага завода аўтатрактарнага электраабсталявання. Затым поўнамаштабная вытворчасць з высокай ступенню лакалізацыі будзе разгорнута ў беларуска-кітайскім індустрыяльным парку ў Мінскай вобласці.

БелаПАН, 22 чэрвеня 2012

Ссылка на текущий документ: http://belarus.kz/aktueller/2-402/221/14803

Текущая дата: 14.06.2024