Служба занятасці 27 траўня правядзе спецыялізаваны электронны кірмаш вакансій для грамадзян з абмежаванымі магчымасцямі. Пра гэта паведамілі ў камітэце па працы, занятасцi i сацыяльнай абароне Мінгарвыканкама.
Мерапрыемства пройдзе з 10:00 да 12:00 на сайце e-vacancy.by. Суіскальнікі змогуць азнаёміцца з прапанаванымі наймальнікамі вакансіямі, задаць ім пытанні, накіраваць рэзюмэ, атрымаць запрашэнне на гутарку ў рэжыме рэальнага часу.
Свабодныя працоўныя месцы прадставяць ААТ «МАЗ» — кіруючая кампанія холдынгу «БелаўтаМАЗ», ТАА «ИнсепшнИнвест», ТАА «ЭкоПереработка», УП «Святлопрыбор» ГА «БелТІЗ», УП «БАРКОС» ГА «БелТІ» і інш. Спашукальнікам прапануюць больш за 400 вакансій.
Пасля заканчэння мерапрыемства ўсе актуальныя прапановы будуць аўтаматычна перанесены ў агульнарэспубліканскі банк вакансій на партале дзяржаўнай службы занятасці.
Звязда, 24 траўня 2021
Ссылка на текущий документ: http://belarus.kz/aktueller/2-402/46/59427
Текущая дата: 16.11.2024