Частка затрыманых, у тым ліку журналісты БелаПАН Захар Шчарбакоў і Павел Падабед, адпушчаны. На астатніх складзены пратаколы аб адміністрацыйным правапарушэнні. У Мінску, паводле інфармацыі праваабаронцаў, затрыманых дастаўлялі ў Цэнтр ізаляцыі правапарушальнікаў на вул. Акрэсціна, дзе яны будуць знаходзіцца да суда.

Сярод затрыманых падчас акцый было нямала выпадковых людзей, у тым ліку італьянец — саўладальнік аднаго з кафэ ў Гомелі.

У сталіцыі акцыя зноў была арганізавана ў новым фармаце: удзельнікам прапанавалі сабрацца ў магазінах і гандлёвых цэнтрах "Беларусь", "Еўрапейскі", "Чкалаўскі", "Рыга", "Карона", а таксама рэстаране "Максібіс", а затым накіравацца да бліжэйшай станцыі метро, даехаць да плошчы Перамогі, Нацыянальнай акадэміі навук і рухацца насустрач адзін аднаму, не апладзіраваць і не правакаваць міліцыю. Акцыя завяршылася звонам будзільнікаў на мабільных тэлефонах, пасля чаго пачалася актыўная фаза затрыманняў. Невядомыя ў цывільным перашкаджалі працы журналістаў, найперш відэааператараў.

Доступ у сацыяльную сетку "Укантакце", дзе ўтварылася інтэрнэт-супольнасць "Рэвалюцыя праз сацыяльную сетку", быў заблакаваны правайдарамі.

Дзмітрый Уласаў, БелаПАН
Мінск, 14 ліпеня 2011

Ссылка на текущий документ: http://belarus.kz/aktueller/2/1034/7951

Текущая дата: 18.11.2024