Канцэрт Нацыянальнага акадэмічнага народнага аркестра Рэспублікі Беларусь імя І.Жыновіча ў Польскай нацыянальнай філармоніі ў Варшаве дасць пачатак насычанай і разнастайнай культурнай праграме - беларусы прадэманструюць суседзям лепшыя ўзоры выяўленчага і музычнага мастацтва, фальклору і народнай творчасці.

Для польскай публікі з 3 па 7 ліпеня выступіць дзяржаўны ансамбль "Песняры". Сусветна вядомыя і любімыя песні ў выкананні калектыву прагучаць у Варшаве, Беластоку і Сопаце.

Яшчэ адну яркую старонку беларускай культуры адкрые польскаму гледачу выстаўка графікі з калекцыі Музея сучаснага выяўленчага мастацтва Мінска, якая будзе экспанавацца з 4 чэрвеня па 20 ліпеня.

Акрамя таго, запланавана выступленне фальклорнага ансамбля "Купалінка", выстаўка-прэзентацыя Мірскага і Нясвіжскага замкаў, экспазіцыя сучаснага выяўленчага мастацтва Беларусі, свята беларускай культуры і інш.

Арганізатары Дзён культуры - Міністэрства культуры Беларусі і пасольства Беларусі ў Польшчы.

13 мая 2013, Мінск
БЕЛТА

Ссылка на текущий документ: http://belarus.kz/aktueller/3-/572/21108

Текущая дата: 05.11.2024