Агонь, запалены ад Непагаснай лампады ў Базіліцы Ражджаства Хрыстовага ў Віфлееме, гродзенцы атрымалі ўчора вечарам. На польска-беларускай граніцы яго перадалі прадстаўнікам беларускіх маладзёжных арганізацый польскія харцары. Ён быў дастаўлены ў Гродзенскі кафедральны сабор. Тут адбылося ўрачыстае богаслужэнне з удзелам апостальскага нунцыя у Рэспубліцы Беларусь архіепіскапа Клаўдзіа Гуджэроці і епіскапа Аляксандра Кашкевіча.

З Гродна каталіцкія скаўты павезлі агонь у свае прыходы. 23 снежня Віфлеемскі агонь плануецца прывесці ў Мінскую епархію. Чакаецца, што ў Мінску агонь сустрэнуць расійскія скаўты, якія пастрабуюць даставіць яго праз усю краіну да самага Уладзівастока.

У час падарожжа агня ён традыцыйна перадаецца ва ўсе храмы, якія сустрэнуцца па дарозе. Усе жадаючыя могуць запаліць ад агню свечку або лампадку і прынесці ў свой дом.

Віфлеемскі агонь міру і дружбы - міжнародная акцыя скаўтаў, ініцыіраваная больш за дваццаць гадоў таму аўстрыйскім дзяржаўным тэлеканалам ORF. У Беларусі акцыя-эстафета праводзіцца больш як дзесяць гадоў.

21 снежня 2012, Гродна
Алена Стасюкевіч - БЕЛТА

Ссылка на текущий документ: http://belarus.kz/aktueller/3-/577/18522

Текущая дата: 05.07.2024