Міністр абароны Расійскай Федэрацыі генерал арміі Сяргей Шайгу абраны старшынёй Савета міністраў абароны СНД. Такое рашэнне прынята 11 снежня на 63-м пасяджэнні савета мінабароны Садружнасці, якое праходзіць у Маскве.
Кандыдатуру Шайгу прапанаваў міністр абароны Азербайджана генерал-палкоўнік Сафар Абіеў, яна была падтрыманая астатнімі міністрамі — удзельнікамі пасяджэння.
"Сяргей Кужугетавіч мае вялікі вопыт працы, ён працяглы час удзельнічаў у палітычным жыцці Расіі, і такога буйнога палітыка і кіраўніка я лічыў бы годным абрання старшынёй Савета міністраў абароны СНД", — цытуе Абіева РІА Новости.
Аб прызначэнні Шайгу старшынёй Савета міністраў абароны СНД абвясціў сакратар арганізацыі генерал-лейтэнант Аляксандр Сінайскі.
Старшыня Савета міністраў абароны абіраецца на трохгадовы тэрмін, але, як правіла, займае яго ўвесь той час, пакуль знаходзіцца на пасадзе міністра абароны.
У працы пасяджэння бяруць удзел міністры абароны Азербайджана, Арменіі, Беларусі, Казахстана, Кыргызстана, Расіі, Таджыкістана і Украіны, а таксама намеснік міністра абароны Узбекістана. Чакаецца, што ўдзельнікі пасяджэння падвядуць вынікі працы СМА СНД у 2012 годзе і зацвердзяць план працы арганізацыі ў 2013 годзе.
Усяго будзе разгледжана больш як 25 пытанняў, сярод якіх праект канцэпцыі развіцця Адзінай сістэмы дзяржаўнага радыёлакацыйнага апазнавання, аб узаемадзеянні органаў ваеннага кіравання па абмене інфармацыяй аб радыяцыйным, хімічным і біялагічным становішчы.
Таксама плануецца, што на пасяджэнні бакі ўзгодняць сумесныя мерапрыемствы па Аб`яднанай сістэме СПА СНД у 2013 годзе і абмяркуюць пытанне аб выдзяленні сродкаў на стварэнне і развіццё гэтай сістэмы ў 2014 годзе.
БелаПАН
Мінск, 11 снежня 2012
"Сяргей Кужугетавіч мае вялікі вопыт працы, ён працяглы час удзельнічаў у палітычным жыцці Расіі, і такога буйнога палітыка і кіраўніка я лічыў бы годным абрання старшынёй Савета міністраў абароны СНД", — цытуе Абіева РІА Новости.
Аб прызначэнні Шайгу старшынёй Савета міністраў абароны СНД абвясціў сакратар арганізацыі генерал-лейтэнант Аляксандр Сінайскі.
Старшыня Савета міністраў абароны абіраецца на трохгадовы тэрмін, але, як правіла, займае яго ўвесь той час, пакуль знаходзіцца на пасадзе міністра абароны.
У працы пасяджэння бяруць удзел міністры абароны Азербайджана, Арменіі, Беларусі, Казахстана, Кыргызстана, Расіі, Таджыкістана і Украіны, а таксама намеснік міністра абароны Узбекістана. Чакаецца, што ўдзельнікі пасяджэння падвядуць вынікі працы СМА СНД у 2012 годзе і зацвердзяць план працы арганізацыі ў 2013 годзе.
Усяго будзе разгледжана больш як 25 пытанняў, сярод якіх праект канцэпцыі развіцця Адзінай сістэмы дзяржаўнага радыёлакацыйнага апазнавання, аб узаемадзеянні органаў ваеннага кіравання па абмене інфармацыяй аб радыяцыйным, хімічным і біялагічным становішчы.
Таксама плануецца, што на пасяджэнні бакі ўзгодняць сумесныя мерапрыемствы па Аб`яднанай сістэме СПА СНД у 2013 годзе і абмяркуюць пытанне аб выдзяленні сродкаў на стварэнне і развіццё гэтай сістэмы ў 2014 годзе.
БелаПАН
Мінск, 11 снежня 2012
Ссылка на текущий документ: http://belarus.kz/aktueller/3-/579/18295
Текущая дата: 08.07.2024