Дэпартамент Рона прызнаны зонай актыўнага распаўсюджвання COVID-19. У сувязі з гэтым сталі больш строгімі меры барацьбы з інфекцыяй. У прыватнасці, з 22 верасня ў шэрагу гарадоў уводзіцца абавязковае нашэнне ахоўных масак. Кантроль за гэтым будзе ўзмоцнены ў кафэ і іншых установах. У грамадскіх месцах з 20.00 да 06.00 будуць забаронены продаж і ўжыванне алкаголю. У рэстаранах за адным сталом змогуць размясціцца не больш за 10 чалавек, гасцям забароняць танцаваць.

Што датычыцца вялікіх мерапрыемстваў, то цяпер дзейнічае абмежаванне 1 тыс. удзельнікаў. Адмяняюцца запланаваныя на восень выставы і кірмашы. Таксама абмяжуюць работу мабільных закусачных і кіёскаў на тэрыторыі спартыўных аб`ектаў і побач з імі.

Раней падобныя абмежаванні анансавалі ўлады і іншых дэпартаментаў Францыі.

21 верасня 2020, Мінск
БЕЛТА