Бакі падвялі вынікі рэалізацыі раней дасягнутых дамоўленасцей, абмеркавалі магчымасці пашырэння сфер прамысловага дыялога. Аляксандр Яфімаў выказаў гатоўнасць Міністэрства прамысловасці да ўстанаўлення доўгатэрміновага супрацоўніцтва праз не толькі ажыццяўленне тавараабменных аперацый, але і шляхам рэалізацыі ўсяго патэнцыялу кааперацыйнага ўзаемадзеяння.

Надзвычайны і Паўнамоцны Пасол Кубы ў Беларусі Сант’яга Перэс Бенітэс з задавальненнем адзначыў паступальны характар двухбаковых кантактаў. У гэтым годзе, у прыватнасці, адбылося першае пасяджэнне рабочай групы па супрацоўніцтве паміж міністэрствамі прамысловасці Беларусі і Кубы. Намеснік міністра прамысловасці Кубы Хасэ Гаспар Альварэс інфармаваў аб наведванні дэлегацыяй Кубы шэрага прадпрыемстваў сістэмы Мінпрама па пытаннях арганізацыі паставак тэхнікі.

Па выніках праведзеных перагавораў бакі пацвердзілі ўзаемную зацікаўленасць у далейшым пашырэнні практычнага супрацоўніцтва.

Звязда, 20 сакавіка 2024