Згодна з дакументам, нацыянальныя экспазіцыі будуць прадэманстраваны на міжнароднай выстаўцы-кірмашы Agrishow у Рыбейран-Прэту (Бразілія), на міжнародных выстаўках Vietnam Expo ў Ханоі (В`етнам), Kenya International Trade Exhibition ў Найробі (Кенія), Zimbabwe International Trade Fair ў Зімбабвэ, Import Goods Fair у Сеуле (Рэспубліка Карэя), Ulaanbaatar Partnership ва Улан-Батары (Манголія).

Акрамя таго, у наступным годзе беларускія экспазіцыі будуць прэзентаваны на міжнароднай выстаўцы інавацый HI-TECH у Санкт-Пецярбургу, на міжнароднай выстаўцы сельскай гаспадаркі і харчовай прамысловасці Iran agrofood у Тэгеране (Іран), на міжнароднай шматгаліновай выстаўцы MUSIAD EXPO ў Стамбуле (Турцыя), на пятай Кітайскай міжнароднай выстаўцы імпарту ў Шанхаі.

Беларусь у 2022 годзе будзе прадстаўлена і на такіх форумах, як міжнародная выстаўка індустрыі гасціннасці Hospitality Qatar у Досе (Катар), міжнародная гандлёвая выстаўка India International Trade Fair у Нью-Дэлі (Індыя), а таксама Сусветная выстаўка "ЭКСПА-2020" у Дубаі (ААЭ).

28 снежня 2021, Мінск
БЕЛТА