Амерыканскі мільярдэр Ілан Маск у сацсетцы Х напісаў, што ўпершыню кампанія Neuralink у 2025 годзе ўжывіць чалавеку зрокавы імплант, які дапаможа людзям з праблемамі са зрокам.
«Кампанія Ілана Маска Neuralink мае намер ужывіць новы імплант, Blindsight, чалавеку ўпершыню ў канцы 2025 года. Прылада заклікана вярнуць зрок цалкам сляпым людзям», — гаворыцца ў паведамленні.
У верасні мінулага года амерыканскі бізнесмэн заявіў, што зрокавы імплант Neuralink дазволіць бачыць нават невідушчым з нараджэння людзям. Па словах Маска, спачатку якасць выявы будзе нізкай, але ў будучыні імплант дазволіць чалавеку бачыць у інфрачырвоным і ўльтрафіялетавым спектры і зможа ўлоўліваць даўжыню хвалі радара.
Звязда, 31 сакавіка 2025
Ссылка на текущий документ: http://belarus.kz/aktueller/6-0/1/77670
Текущая дата: 03.04.2025