20 снежня каля сямі гадзін вечара нарад групы затрымання Дэпартамента аховы выбыў на спрацоўванне сігналізацыі ў аптэцы па вуліцы Савецкай, паведамляе МУС.
Завяршыўшы агляд памяшкання і вярнуўшыся да аўтамабіля, супрацоўнікі звярнулі ўвагу, што ў службовым «Джылі» праколата правае задняе і пярэднія колы.
Запіс відэарэгістратара дазволіў выйсці на след меркаванага зламысніка.
Днямі супрацоўнікі АКВ Баранавіцкага ГАУС і аддзела аховы ўсталявалі, што да здзяйснення супрацьпраўных дзеянняў датычны 50-гадовы настаўнік адной з устаноў адукацыі. Мужчына ў зробленым прызнаўся. Ён распавёў, што прабіў колы самаробным шылам, аднак прычыну спантанага ўчынку патлумачыць не змог, спаслаўшыся на тое, што быў п’яны.
Следчыя далі прававую ацэнку дзеянням гараджаніна, распачата крымінальная справа за хуліганства.
Звязда, 29 снежня 2020
Ссылка на текущий документ: http://belarus.kz/aktueller/6-0/56/57875
Текущая дата: 09.10.2024