Брусельская сустрэча донараў "дала важную магчымасць для далейшай дэманстрацыі нашай салідарнасці з насельніцтвам і грамадзянскай супольнасцю Беларусі", лічыць еўракамісар Штэфан Фюле.
21 сакавіка ў Бруселі пад патранажам Еўрасаюза адбылася нефармальная каардынацыйная сустрэча міжнародных донараў, каб “стымуляваць дыскусіі паміж донарамі і прадстаўнікамі беларускай грамадзянскай супольнасці”, паведамляе сайт Еўрапейскага інструменту суседства і партнёрства.
Камісар ЕС па пытаннях пашырэння і палітыцы суседства Штэфан Фюле, які ўдзельнічаў у дыскусіях, адзначыў, што “сустрэча дала важную магчымасць для далейшай дэманстрацыі нашай салідарнасці з насельніцтвам і грамадзянскай супольнасцю Беларусі". "Гэта дапаможа прыняць неабходныя меры для таго, каб міжнародная дапамога ў гэты цяжкі перыяд была мэтанакіраванай, адраснай і эфектыўнай”, — гаворыцца ў прэс-рэлізе Еўракамісіі.
Сустрэча стала працягам міжнароднай донарскай канферэнцыі “Салідарнасць з Беларуссю", якая адбылася ў Варшаве ў лютым ”.
Падчас варшаўскага форуму Фюле заявіў аб павелічэнні Еўракамісіяй сродкаў на падтрымку грамадзянскай супольнасці Беларусі ў чатыры разы і прапанаваў тэрміновую дапамогу ахвярам рэпрэсій, што павялічвае агульны аб`ём адраснай дапамогі ЕС для Беларусі да 17,3 млн. еўра ў 2011—2013 гадах.
Каардынацыйныя сустрэчы па Беларусі ўяўляюць сабой трыбуну для донараў, якая выкарыстоўваецца некалькі разоў у год пачынаючы з 2006 года, гаворыцца ў прэс-рэлізе. Дзякуючы ёй "назапашаны каштоўныя веды і вопыт па донарскай каардынацыі, а пасля канферэнцыі ў Варшаве падтрымка беларускай грамадзянскай супольнасці павінна стаць больш эфектыўнай і дзейснай”.
На сустрэчу былі запрошаныя прадстаўнікі краін ЕС, міжнародных арганізацый, беларускай грамадзянскай супольнасці.
У дзень правядзення сустрэчы Савет міністраў замежных спраў ЕС прыняў рашэнне пашырыць спіс ахопленых санкцыямі прадстаўнікоў беларускай дзяржавы на 19 чалавек.
Арганізаваная 2 лютага пры падтрымцы знешнепалітычнага ведамства Польшчы міжнародная канферэнцыя донараў "Салідарнасць з Беларуссю" насіла "яўна правакацыйны характар", заяўляў прэс-сакратар Міністэрства замежных спраў Беларусі Андрэй Савіных. Паводле яго слоў, мерапрыемства праводзілася “для падтрымкі асобных маргінальных грамадскіх груповак у Беларусі, якія не падтрымліваюцца беларускім грамадствам”.
Антон Тарас, БелаПАН
Мінск, 22 сакавіка 2011
Камісар ЕС па пытаннях пашырэння і палітыцы суседства Штэфан Фюле, які ўдзельнічаў у дыскусіях, адзначыў, што “сустрэча дала важную магчымасць для далейшай дэманстрацыі нашай салідарнасці з насельніцтвам і грамадзянскай супольнасцю Беларусі". "Гэта дапаможа прыняць неабходныя меры для таго, каб міжнародная дапамога ў гэты цяжкі перыяд была мэтанакіраванай, адраснай і эфектыўнай”, — гаворыцца ў прэс-рэлізе Еўракамісіі.
Сустрэча стала працягам міжнароднай донарскай канферэнцыі “Салідарнасць з Беларуссю", якая адбылася ў Варшаве ў лютым ”.
Падчас варшаўскага форуму Фюле заявіў аб павелічэнні Еўракамісіяй сродкаў на падтрымку грамадзянскай супольнасці Беларусі ў чатыры разы і прапанаваў тэрміновую дапамогу ахвярам рэпрэсій, што павялічвае агульны аб`ём адраснай дапамогі ЕС для Беларусі да 17,3 млн. еўра ў 2011—2013 гадах.
Каардынацыйныя сустрэчы па Беларусі ўяўляюць сабой трыбуну для донараў, якая выкарыстоўваецца некалькі разоў у год пачынаючы з 2006 года, гаворыцца ў прэс-рэлізе. Дзякуючы ёй "назапашаны каштоўныя веды і вопыт па донарскай каардынацыі, а пасля канферэнцыі ў Варшаве падтрымка беларускай грамадзянскай супольнасці павінна стаць больш эфектыўнай і дзейснай”.
На сустрэчу былі запрошаныя прадстаўнікі краін ЕС, міжнародных арганізацый, беларускай грамадзянскай супольнасці.
У дзень правядзення сустрэчы Савет міністраў замежных спраў ЕС прыняў рашэнне пашырыць спіс ахопленых санкцыямі прадстаўнікоў беларускай дзяржавы на 19 чалавек.
Арганізаваная 2 лютага пры падтрымцы знешнепалітычнага ведамства Польшчы міжнародная канферэнцыя донараў "Салідарнасць з Беларуссю" насіла "яўна правакацыйны характар", заяўляў прэс-сакратар Міністэрства замежных спраў Беларусі Андрэй Савіных. Паводле яго слоў, мерапрыемства праводзілася “для падтрымкі асобных маргінальных грамадскіх груповак у Беларусі, якія не падтрымліваюцца беларускім грамадствам”.
Антон Тарас, БелаПАН
Мінск, 22 сакавіка 2011
Ссылка на текущий документ: http://belarus.kz/aktueller/6-1/194/5323
Текущая дата: 23.12.2024