Адзначаецца, што поўнае зацьменне прадоўжыцца 1 гадзіну і 43 хвіліны. Частковае зацьменне будзе праходзіць 3 гадзіны 55 хвілін.

Падчас гэтай з`явы можна будзе ўбачыць на небе Марс больш яркім, чым звычайна. Упершыню за апошнія 15 гадоў Чырвоная планета пройдзе так блізка ад Зямлі.

Месяцовае зацьменне будзе гэтак доўгім, таму што спадарожнік Зямлі пройдзе непасрэдна ў цёмнай зоне цені планеты, якая надасць Месяцу крывавае адценне.

Як распавёў сябра Каралеўскага астранамічнага таварыства Роберт Масей, лепш за ўсё назіраць за зацьменнем будзе ва Усходняй і Паўднёвай Еўропе. "Гэта сапраўды ўзрушаючая і рэдкая магчымасць - убачыць на начным небе адначасова месяцовае зацьменне і Марс. Гэта выдатны шанец для фатографаў", - адзначыў спецыяліст.

Згодна з папярэдняй інфармацыяй, зацьменне пачнецца 27 ліпеня ў 21.24. У 22.30 Месяц цалкам увойдзе ў цень Зямлі і стане чырвоным. Пік з`явы можна будзе назіраць у 23.22.

Звязда, 14 ліпеня 2018