Аляксандра Лукашэнку цікавіць меркаванне Далі Грыбаўскайтэ наконт ініцыятывы "Усходняе партнёрства". Пра гэта ён заявіў 20 кастрычніка перад пачаткам сустрэчы з прэзідэнтам Літвы ў вузкім складзе.
"Хацеў бы пачуць Ваша меркаванне, будзе яна (ініцыятыва. — БелаПАН.) развівацца ці так і застанецца ў замарожаным стане. Вы член ЕС, і гэта накладвае адбітак на нашу сустрэчу. Вы нам парэкамендуеце, па якіх напрамках дзейнічаць ", — сказаў беларускі прэзідэнт.
Паводле меркавання Лукашэнкі, у беларуска-літоўскага супрацоўніцтва добрыя перспектывы, асабліва ў сферы энергетыкі.
"Мы знаходзімся ў неспрыяльным становішчы, нам трэба думаць, як забяспечыць нашу незалежнасць. Мы можам шмат вырашыць, дамовіўшыся з балтыйскімі краінамі", — заявіў прэзідэнт Беларусі.
Ён паведаміў, што падчас перамоў з Даляй Грыбаўскайтэ плануе абмеркаваць увесь спектр двухбаковых адносін, у тым ліку гандлёва-эканамічных.
У 2010 годзе ўзаемны тавараабарот вырас прыкладна на 30%, у наступным годзе рэальна выйсці на 1 млрд. долараў, мяркуе Лукашэнка.
У сваю чаргу Даля Грыбаўскайтэ заявіла, што Літва зацікаўлена ў паляпшэнні і актывізацыі адносін з Беларуссю.
Яна нагадала, што ў наступным годзе Літва будзе старшынстваваць у АБСЕ. "У гэтых рамках мы хочам дапамагчы Беларусі, быць побач падчас выбараў, дапамагчы быць больш адкрытай і прызнанай у Еўропе", — сказала прэзідэнт Літвы.
Яна падкрэсліла, што Літва гатовая "супрацоўнічаць і абараняць інтарэсы Беларусі ў Еўрасаюзе настолькі, наколькі Беларусь будзе гэтага жадаць".
Мінск, 20 кастрычніка 2010
Таццяна Каравянкова, БелаПАН
Паводле меркавання Лукашэнкі, у беларуска-літоўскага супрацоўніцтва добрыя перспектывы, асабліва ў сферы энергетыкі.
"Мы знаходзімся ў неспрыяльным становішчы, нам трэба думаць, як забяспечыць нашу незалежнасць. Мы можам шмат вырашыць, дамовіўшыся з балтыйскімі краінамі", — заявіў прэзідэнт Беларусі.
Ён паведаміў, што падчас перамоў з Даляй Грыбаўскайтэ плануе абмеркаваць увесь спектр двухбаковых адносін, у тым ліку гандлёва-эканамічных.
У 2010 годзе ўзаемны тавараабарот вырас прыкладна на 30%, у наступным годзе рэальна выйсці на 1 млрд. долараў, мяркуе Лукашэнка.
У сваю чаргу Даля Грыбаўскайтэ заявіла, што Літва зацікаўлена ў паляпшэнні і актывізацыі адносін з Беларуссю.
Яна нагадала, што ў наступным годзе Літва будзе старшынстваваць у АБСЕ. "У гэтых рамках мы хочам дапамагчы Беларусі, быць побач падчас выбараў, дапамагчы быць больш адкрытай і прызнанай у Еўропе", — сказала прэзідэнт Літвы.
Яна падкрэсліла, што Літва гатовая "супрацоўнічаць і абараняць інтарэсы Беларусі ў Еўрасаюзе настолькі, наколькі Беларусь будзе гэтага жадаць".
Мінск, 20 кастрычніка 2010
Таццяна Каравянкова, БелаПАН
Ссылка на текущий документ: http://belarus.kz/aktueller/8-0/139/2371
Текущая дата: 23.12.2024