Намеснік міністра замежных спраў Андрэй Дапкюнас 9 кастрычніка сустрэўся з нашчадкамі выдатнага навукоўца беларускага паходжання Ігната Дамейкі: праўнучкай Пас Альфонса Дамейкай, якая знаходзіцца з прыватным візітам у Беларусі ў суправаджэнні дачкі Паўліны Роўланд і ўнукаў Джэймса Альфонса Дамейкі і Нікаласа Паўля Альфонса Новы.
"Падчас сустрэчы адзначаная важнасць захавання пераемнасці пакаленняў і падтрымання нашчадкамі духоўнай сувязі з беларускай зямлёй, якая з`яўляецца гістарычнай радзімай Ігната Дамейкі", — паведаміла прэс-служба знешнепалітычнага ведамства паводле вынікаў сустрэчы.
Пас Альфонса Дамейка "прызналася, што шчыра любіць нашу краіну, і заявіла пра намер спрыяць таму, каб прадстаўнікі маладога пакалення сям`і Дамейка часцей прыязджалі ў Беларусь і бліжэй знаёміліся з роднымі мясцінамі Ігната Дамейкі".
Ігнат Дамейка (1802—1889) нарадзіўся ў Навагрудскім павеце Мінскай губерні (цяпер Карэліцкі раён Гродзенскай вобласці). Навуковец, выпускнік Віленскага ўніверсітэта, рэктар чылійскага ўніверсітэта, нацыянальны герой Чылі, удзельнік паўстання 1830 года. Памёр у Сант`яга.
БелаПАН
Мінск, 9 кастрычніка 2018
Мінск, 9 кастрычніка 2018
Ссылка на текущий документ: http://belarus.kz/aktueller/8-0/38/45282
Текущая дата: 27.12.2024