"Гэта вельмі трагічны дзень для літоўскага народа, — адзначыў часовы павераны ў справах Літвы ў Беларусі Ёнас Даніляўскас, — але адначасова гэта і адна з найважнейшых дат у нашай барацьбе за свабоду".

"Дваццаць два гады таму, 13 студзеня 1991 года, падчас крывавых падзей у Вільнюсе 14 літоўскіх грамадзян загінулі ад рук акупантаў з Cавецкай арміі, — сказаў Даніляўскас. — Ніводзін літовец, ніводзін грамадзянін нашай краіны не павінен забыць таго, што здарылася, і павінен даражыць самымі каштоўнымі рэчамі, якія ў нас ёсць, — свабодай і незалежнасцю".

Адказваючы на пытанне журналістаў, што ён лічыць самым галоўным дасягненнем Літвы за гэтыя гады, Даніляўскас сказаў: "Самае галоўнае дасягненне Літвы за гэтыя гады — гэта тое, што мы здолелі захаваць і ўмацаваць свабоду і незалежнасць нашай краіны".

Гасцям літоўскага пасольства быў паказаны фільм "Траекторыі свабоды", які зняў швед Ёнас Олман, што жыве ў Літве. Стужка расказвае пра перыяд літоўскай гісторыі ад моманту далучэння да СССР да набыцця незалежнасці.

Завяршыўся Дзень абаронцаў свабоды традыцыйным вогнішчам памяці ў двары дыпламатычнай місіі.

Таццяна Каравянкова, БелаПАН
Мінск, 11 студзеня 2013

Ссылка на текущий документ: http://belarus.kz/aktueller/8-0/88/18857

Текущая дата: 05.07.2024