Пра гэта гаворыцца ў лісце за подпісам намесніка міністра культуры Аляксандра Яцко, які атрыманы ў адказ на зварот грамадскай ініцыятывы "Арт Сядзіба".
Навукова-метадычная рада па пытаннях гісторыка-культурнай спадчыны пры Міністэрстве культуры ў студзені разгледзіць пытанне аб наданні гістарычнаму бел-чырвона-беламу сцягу Беларусі статусу гісторыка-культурнай каштоўнасці.
У дакуменце, апублікаваным на сайце artsiadziba.by, гаворыцца, што палатно дзяржаўнага сцяга Беларусі, якое выкарыстоўвалася ў 1991—1995 гадах, "павінна існаваць і захоўвацца як матэрыяльны рухомы аб`ект і яму можа быць прапанавана надаць статус гісторыка-культурнай каштоўнасці". "У такім выпадку неабходна дадаткова ўдакладніць яго месцазнаходжанне і стан захаванасці", — падкрэсліў намеснік міністра.
Прымаючы гэтае рашэнне, Мінкультуры абапіралася на заключэнне Нацыянальнай акадэміі навук Беларусі, якой міністэрства прапанавала адказаць, наколькі гістарычны сцяг варты таго, каб надаць яму адпаведны статус.
Калі навукова-метадычная рада пагодзіцца з тым, што бел-чырвона-белы сцяг павінен стаць гісторыка-культурнай каштоўнасцю, канчатковае рашэнне будзе прымаць Савет міністраў Беларусі.
Нагадаем, гэтым летам ініцыятары кампаніі па папулярызацыі гістарычных сімвалаў Беларусі, у ліку якіх "Арт Сядзіба", "БМАgroup" і "Рок-салідарнасць", упершыню звярнуліся ў Мінкультуры з прапановай надаць бел-чырвона-беламу сцягу адмысловы статус. 1 лістапада актывісты гэтых ініцыятыў перадалі ў міністэрства абгрунтаванне для ўключэння сцяга ў Дзяржаўны спіс гісторыка-культурных каштоўнасцяў, якое склалі 50 фактаў, што звязваюць сцяг з гісторыяй Беларусі пачынаючы з XVI стагоддзя і да гэтага часу.
Захар Шчарбакоў, БелаПАН
Мінск, 30 снежня 2013
У дакуменце, апублікаваным на сайце artsiadziba.by, гаворыцца, што палатно дзяржаўнага сцяга Беларусі, якое выкарыстоўвалася ў 1991—1995 гадах, "павінна існаваць і захоўвацца як матэрыяльны рухомы аб`ект і яму можа быць прапанавана надаць статус гісторыка-культурнай каштоўнасці". "У такім выпадку неабходна дадаткова ўдакладніць яго месцазнаходжанне і стан захаванасці", — падкрэсліў намеснік міністра.
Прымаючы гэтае рашэнне, Мінкультуры абапіралася на заключэнне Нацыянальнай акадэміі навук Беларусі, якой міністэрства прапанавала адказаць, наколькі гістарычны сцяг варты таго, каб надаць яму адпаведны статус.
Калі навукова-метадычная рада пагодзіцца з тым, што бел-чырвона-белы сцяг павінен стаць гісторыка-культурнай каштоўнасцю, канчатковае рашэнне будзе прымаць Савет міністраў Беларусі.
Нагадаем, гэтым летам ініцыятары кампаніі па папулярызацыі гістарычных сімвалаў Беларусі, у ліку якіх "Арт Сядзіба", "БМАgroup" і "Рок-салідарнасць", упершыню звярнуліся ў Мінкультуры з прапановай надаць бел-чырвона-беламу сцягу адмысловы статус. 1 лістапада актывісты гэтых ініцыятыў перадалі ў міністэрства абгрунтаванне для ўключэння сцяга ў Дзяржаўны спіс гісторыка-культурных каштоўнасцяў, якое склалі 50 фактаў, што звязваюць сцяг з гісторыяй Беларусі пачынаючы з XVI стагоддзя і да гэтага часу.
Захар Шчарбакоў, БелаПАН
Мінск, 30 снежня 2013
Ссылка на текущий документ: http://belarus.kz/aktueller/all/2528/24557
Текущая дата: 06.10.2024