https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


У ходзе праверкі боегатоўнасці вялікая ўвага ўдзялялася адбіццю сродкаў паветранага нападзення і процідзеянню дыверсійна-разведвальных груп


Аб гэтым заявіў памочнік міністра абароны па ідэалагічнай рабоце ва Узброеных Сілах - начальнік галоўнага ўпраўлення ідэалагічнай работы Міністэрства абароны генерал-маёр Леанід Касінскі, паведамляе Міністэрства абароны.
"Падводзіць вынікі праверкі боегатоўнасці пакуль рана. Але ёсць асаблівасці, аб якіх мы ўжо можам упэўнена гаварыць. Па-першае, практыка прыцягнення інструктараў, якія прайшлі падрыхтоўку ў Расіі, адназначна паказвае сваю эфектыўнасць. Дзякуючы таму, што ў нас ёсць магчымасць пераймаць сучасны баявы досвед і ўкараняць яго ў сябе, мы фактычна робім якасны скачок ва ўзроўні падрыхтаванасці асабовага складу", - сказаў Леанід Касінскі.

Акрамя таго, войскі апрабавалі новыя спосабы прымянення ўзбраення, ваеннай і спецыяльнай тэхнікі. "Вялікая ўвага ўдзялялася пытанням адбіцця сродкаў паветранага нападзення ў тым ліку беспілотных лятальных апаратаў, павышэнню жывучасці падраздзяленняў, процідзеянню дыверсійна-разведвальных груп. Нават самі ваеннаабавязаныя, якія праходзілі службу некаторы час таму, адзначаюць, што беларуская армія кардынальна змяніла сваё аблічча", - падкрэсліў ён.

Леанід Касінскі звярнуў увагу і на зараджанасць людзей на абарону сваёй краіны. "Я сустракаўся з запаснікамі ў баявых парадках, у розных падраздзяленнях, і магу сказаць, што людзям сёння не трэба тлумачыць, што бяспека краіны - гэта агульная справа. Разуменне, цікавасць і ўключанасць ваеннаабавязаных у працэс баявой вучобы - гэта тое, што мы бачым на ўсіх этапах праверкі баявой гатоўнасці", - канстатаваў ён.

17 красавіка 2024, Мінск
БЕЛТА
 
Дата публикации:17.04.2024
Тематика:Новости, Беларусь
Просмотров:119
 
Ключевые слова:
Вооружённые силы Боевая готовность Национальная безопасность Беспилотник Противовоздушная оборона
 
 


Комментарии



 



Другие новости по этой теме