"Сёньня Кіргіская Рэспубліка знаходзіцца на мяжы страты дзяржаўнасьці. Гінуць людзі, і ніхто з прадстаўнікоў цяперашняй улады ня ў стане іх абараніць. Замест таго каб своечасова мабілізаваць усе неабходныя рэсурсы для лякалізацыі канфлікту, прадстаўнікі часовага ўраду раздаюць інтэрвію і праводзяць прэс-канфэрэнцыі з мэтай у чарговы раз абылгаць мяне і маіх родных, абвінавачваючы ў дачыненьні да беспарадкаў на поўдні. Адказна заяўляю, што гэта бессаромная хлусьня! Бог ім судзьдзя! Упэўнены, гісторыя ўсё расставіць па сваіх месцах і праўда ўсё роўна пераможа", — гаворыцца ў заяве Курманбека Бакіева.

Курманбек Бакіеў заклікаў суайчыньнікаў, землякоў "не паддавацца на правакацыі і заклікі безадказных палітыкаў", перадае Інтэрфакс.

Паводле Міністэрства аховы здароў’я Кіргізстану, у выніку масавых непарадкаў на поўдні краіны 113 чалавек забітыя і больш як 1400 — параненыя.

14.06.2010     Радыё Свабода