Першымі ў барацьбу за ўзнагароды ўступілі юніёры. Прадстаўнікі беларускай каманды заваявалі адзін залаты, адзін срэбны і тры бронзавыя медалі. Пераможцам спаборніцтваў у катэгорыі да 73 кілаграмаў стаў Яўген Шадзеўскі, другое месца ў вазе да 45 кг заняў Мікіта Бялавы, на трэцюю прыступку п`едэстала падняліся Сцяпан Гойдзь (в/к да 59 кг), Вера Пшонка (да 46 кг) і бронзавая медалістка нядаўняга юніёрскага чэмпіянату свету Паліна Міхальчук (звыш 68 кг).

Сёння мацнейшых на турніры ў Босніі і Герцагавіне пачнуць вызначаць дарослыя спартсмены.

25 лістапада 2024, Мінск
БЕЛТА