Мінск і Масква імгненна адкажуць усімі відамі зброі ў выпадку нападу на Беларусь, пра гэта заявіў прэзідэнт рэспублікі Аляксандр Лукашэнка падчас свайго выступу на Усебеларускім народным сходзе (УНС).

"Там (на Захадзе) ведаюць, што не дай Бог яны ступяць на тэрыторыю Беларусі, атрымаюць імгненны адказ ад нас усімі відамі зброі, у тым ліку ад РФ", - падкрэсліў кіраўнік дзяржавы. Ён дадаў, што Беларусь поўная рашучасці супрацьстаяць любому агрэсару і нанесці яму непрымальную шкоду.

"Мы сёння поўныя рашучасці стопрацэнтна супрацьстаяць любому агрэсару і нанесці яму непрымальную шкоду. Таму перш, чым ствараць кааліцыі, вылучаць да нашай мяжы ўзброеныя сілы, правакаваць нас, каб мы выводзілі нашыя батальённыя тактычныя групы і стаялі лоб у лоб, але ў нас і столькі людзей пакуль няма, і сіл няма, але мабілізацыю праводзіць я не збіраюся", - сказаў прэзідэнт.

Беларускі лідэр таксама падкрэсліў, што суседнія дзяржавы павінны разумець, што іх сталіцы зусім побач з беларускай мяжой.

"Таму законнай мэтай, як прынята гаварыць, будуць тыя, хто прымае гэтае рашэнне. Гэта зусім побач", - дадаў ён.

Беларускі лідэр падкрэсліў, што ў Беларусі не жадаюць вайны.

"Мы не хочам ні з кім ваяваць і, я ўпэўнены, не будзем ваяваць. Яны разумеюць, што мы можам сур`ёзна адказаць, а гэта адначасовая гібель мільёнаў людзей. Гэта новая вайна. І я ўжо не раз казаў: калі што - мы ўстанем усё Брэсцкай крэпасцю, але абаронім сваю зямлю", - заявіў прэзідэнт.

Sputnik Беларусь, 25 красавіка 2024