Заяўкі на акрэдытацыю ўжо прыкладна 100 назіральнікаў місіі СНД на выбарах прэзідэнта Беларусі пададзены ў Цэнтрвыбаркам краіны, паведаміў у чацвер намеснік кіраўніка штаба місіі Яўген Казяк.
"На сённяшні дзень пададзены заяўкі на акрэдытацыю каля 100 назіральніаў місіі СНД", - сказаў ён журналістам у Мінску.
Паводле слоў Казяка, на гэты момант прадстаўнікі місіі СНД ажыццяўляюць маніторынг таго, як ідзе падрыхтоўка да выбараў, але не даюць ацэнку гэтаму працэсу. Ён растлумачыў, што задачай назіральнікаў цяпер з’яўляецца адсочванне адпаведнасці таго, што адбываецца, нацыянальнаму заканадаўству.
Паступова ў назіральнікаў працы будзе станавіцца больш, асабліва з улікам планаў прыбыцця кароткатэрміновых назіральнікаў місіі бліжэй да даты галасавання, адзначыў намеснік кіраўніка штаба місіі. Ён удакладніў, што гэта будзе звязана з падрыхтоўкай да прыбыцця кароткатэрміновых назіральнікаў, размеркаваннем іх па рэгіёнах, забеспячэннем транспартам і іншымі момантамі.
Паводле даных ЦВК Беларусі на 23 снежня ўжо акрэдытаваны 93 замежныя і міжнародныя назіральнікі, 39 з іх прадстаўляюць выканкам СНД і 18 – Міжпарламенцкую асамблею Садружнасці.
Згодна з раней прынятым планам выбараў, перадвыбарная агітацыя пройдзе з 1 па 25 студзеня 2025 года. З 21 па 25 студзеня ўключна ў краіне пройдзе датэрміновае галасаванне на выбарах прэзідэнта, 26 студзеня – асноўны дзень галасавання.
Кандыдатамі ў прэзідэнты зарэгістраваны пяць прэтэндэнтаў, сярод якіх дзеючы кіраўнік дзяржавы Аляксандр Лукашэнка.
