Пра гэта паведаміў кіраўнік Нацыянальнага каардынацыйнага цэнтра біябяспекі Інстытута генетыкі і цыталогіі Нацыянальнай акадэміі навук Сяргей Драмашка 14 сакавіка на прэс-канферэнцыі ў Мінску.
Ён расказаў, што ўсяго генна-мадыфікаваную прадукцыю вырошчваюць 28 краін. З 2008 года генна-мадыфікаваную бульбу перасталі вырошчваць Германія і Швецыя пад уплывам грамадскай думкі з-за праблем са збытам. Трэцяя краіна, якая перастала апрацоўваць ГМ-культуры, — гэта Польшча. Але тут праблемы ўзніклі з-за розначытанняў ва ўнутраным і знешнім заканадаўствах ЕС і ўнутраным заканадаўстве па частцы выдачы дазволаў на выхад ГМА ў навакольнае асяроддзе.
Сярод рызык ад ГМА Драмашка назваў таксічнасць і алергеннасць — у прадуктаў харчавання, у раслін — небяспека ператварыцца ў пустазелле. Аднак, адзначыў спецыяліст, усе гэтыя рызыкі і небяспекі ўлічаныя ў беларускім законе "Аб бяспецы генна-інжынернай дзейнасці", прынятым у 2006 годзе.
БелаПАН, 14 сакавіка 2013
