Старшыня Вышэйшага дзяржсавета Саюзнай дзяржавы, беларускі прэзідэнт Аляксандр Лукашэнка павіншаваў з Днём яднання народаў Беларусі і РФ прэзідэнта Расіі Уладзіміра Пуціна, паведамляе прэс-служба беларускага лідара.
"Інтэграцыйны праект нашых краін садзейнічаў набыццю бясцэннага досведу ў розных сферах дзяржбудаўніцтва, раскрыццю вялізнага стваральнага патэнцыялу беларускай і расійскай эканомік, фармаванню інструментаў, якія даюць магчымасць сумесна вырашаць шырокі спектр задач любой складанасці", - адзначаецца ў віншаванні.
Разам з тым Лукашэнка падкрэсліў, што крокі па забеспячэнні бяспекі, роўных праў грамадзян, а таксама нарошчванне гандлёва-эканамічнага і інвестыцыйнага супрацоўніцтва сталі для СД "надзейнай абаронай ад знешніх пагроз".
Реклама
Прэзідэнт упэўнены, што інтэнсіўны характар палітычнага дыялогу, а таксама ўзаемадзеянне паміж урадамі і ведамствамі дзвюх краін пасадзейнічаюць паспяховай рэалізацыі прынятых Вышэйшым дзяржсаветам дакументаў.
Лукашэнка таксама павіншаваў з Днём яднання старшыню расійскага ўрада і кіраўніка Саўміна СД Міхаіла Мішусціна, старшыню Савета Федэрацыі Валянціну Мацвіенка, кіраўніка Дзярждумы і старшыні Парламенцкага Сходу Саюза Беларусі і РФ Вячаслава Валодзіна, а таксама Патрыярха Маскоўскага і ўсяе Русі Кірыла.
Дзень яднання
Штогадовае свята – Дзень яднання народаў Беларусі і Расіі адзначаецца 2 красавіка. Ён устаноўлены ў гонар падпісання ў 1996 годзе дагавора аб стварэнні Супольнасці Расіі і Беларусі (цяпер гэта Саюзная дзяржава).
Традыцыйна ў гэты дзень у сталіцах дзвюх краін пройдуць мерапрыемствы, у якіх прымуць удзел кіраўнікі органаў улады, парламента, палітыкі, прадстаўнікі творчай інтэлігенцыі.
