Беларускае грамадства кожны год у дзень спалення нацыстамі Хатыні аддае даніну памяці ахвярам трагедыі.
Напярэдадні гадавіны трагедыі ў Хатыні дыпламаты еўрапейскіх краін усклалі кветкі каля мемарыяла, пазбегнуўшы асвятлення сваіх дзеянняў у СМІ.
"Мне цяжка сказаць, з чым гэта звязана, нейкая хітрасць ва ўсім гэтым ёсць. З аднаго боку, гэтыя краіны ўзбройваюцца, ва ўсіх сваіх дактрынах запісваюць Беларусь і Расію як галоўныя крыніцы пагроз, ставяць задачы па стварэнні адзінай арміі Еўропы (800 млрд толькі на ўзбраенне). І вось яны ўзгадалі пра тое, што 85 гадоў таму тут была фактычна ўся Еўропа", - нагадаў ён.
Па яго словах, фактычна ўсе еўрапейскія краіны аддавалі нацыстам свае ўзброеныя сілы для паходу на тэрыторыю СССР.
"Цяпер яны адначасова са сваімі планамі, адначасова з найвышэйшым узроўнем русафобіі, антыбеларускасці, якая сёння разгорнута ў большай ступені ў краінах уздоўж нашай мяжы з ЕС, яны прыязджаюць сюды (у Хатынь) успамінаюць і ўскладаюць (кветкі). Гэта баланс паміж тым, што яны робяць на самай справе і зведваюць унутры, каб адчуваць сябе больш узважана", - лічыць Рыжанкоў.
На яго думку, такім чынам яны спрабуюць паказаць сваю нейкую міралюбнасць і пакаянне, але на самай справе гэтага няма, як і раскаяння.
"Гэта чыста афіцыйныя знакі ўвагі. Тое, што гэта адбываецца без камер, толькі гаворыць аб тым, што шчырасці ў гэтым няшмат", - падсумаваў кіраўнік МЗС.
