Пра гэта заявіў міністр культуры Беларусі Барыс Святлоў падчас сустрэчы ў Парыжы 15 красавіка з першым намеснікам міністра культуры Францыі Ларанс Анжэль, паведамляе беларускае пасольства.
Дні беларускай культуры, якія праходзяць у Францыі, з`яўляюцца самай маштабнай культурнай акцыяй Беларусі ў гэтай краіне за ўсю гісторыю двухбаковых адносін.
Паводле яго слоў, Дні беларускай культуры праходзяць у 26 гарадах Францыі, дзе адбудуцца розныя мерапрыемствы (выступленні балета, канцэрты, выставы і гэтак далей), якія наведаюць больш за 120 тыс. чалавек.
Анжэль падкрэсліла важнасць распачатага ў 2014 годзе супрацоўніцтва паміж Беларуссю і Францыяй у галіне аховы спадчыны і ў музейнай сферы. У якасці станоўчага прыкладу былі адзначаныя арганізацыя стажыроўкі ў Францыі беларускіх рэстаўратараў у сакавіку—красавіку гэтага года, а таксама маючы адбыцца ў маі візіт дырэктараў нацыянальных і іншых вядучых музеяў Беларусі ў Парыж для наладжвання супрацоўніцтва з французскімі музейнымі ўстановамі.
Анжэль пацвердзіла гатоўнасць Генеральнай дырэкцыі нацыянальнай спадчыны Міністэрства культуры Францыі, а таксама Інстытута нацыянальнай спадчыны спрыяць у развіцці гэтага кірунку супрацоўніцтва.
Святлоў перадаў праект пагаднення паміж міністэрствамі культуры Беларусі і Францыі па развіцці супрацоўніцтва ў сферы кінематаграфіі.
На адрас кіраўніцтва Міністэрства культуры Францыі таксама перададзеныя запрашэнні наведаць спектаклі Нацыянальнага Вялікага тэатра оперы і балета, якія адбудуцца ў Парыжы.
Сяргей Каралевіч,
БелаПАНМінск, 16 красавіка 2014
