У Беларусі сярэдні памер назначаных пенсій склаў Br1 млн. 885,5 тыс., што ў 2,6 раза перавышае бюджэт пражытачнага мінімуму для пенсіянераў.

Нагадаем, у адпаведнасці з пастановай урада БПМ для пенсіянераў у цэнах верасня 2012 года ў разліку на адзін месяц на перыяд з 1 лістапада 2012 года па 31 студзеня 2013 года складае Br727,3 тыс.

Паводле статыстычных даных, сярэдні памер пенсій па ўзросту склаў у снежні 2012 года Br1 млн. 962,5 тыс., па інваліднасці - Br1 млн. 713,4 тыс., у сувязі са стратай карміцеля - Br1 млн. 224,4 тыс., сацыяльных пенсій - Br816 тыс.

Рэальны памер назначаных пенсій (пенсій, разлічаных з улікам змянення індэкса спажывецкіх цэн на тавары і паслугі) у снежні 2012 года ў параўнанні з снежнем 2011 года павялічыўся на 64,6 працэнта, у параўнанні з лістападам 2012 года зменшыўся на 1,4 працэнта.

На ўліку ў органах па працы, занятасці і сацыяльнай абароне Беларусі ў снежні 2012 года знаходзіліся 2 млн. 512,2 тыс. пенсіянераў (на снежань 2011 года - 2 млн. 486,9 тыс. чалавек.).

22 студзеня 2013, Мінск
БЕЛТА