Беларусь з 1 студзеня знізіла экспартныя пошліны на нафту і нафтапрадукты, што вывозяцца за межы мытнай тэрыторыі Еўразійскага эканамічнага саюза.
Згодна з дакументам, стаўкі экспартных пошлін змяняюцца, у прыватнасці, на сырую нафту, мазут, бітум нафтавы, вазелін і парафін, адпрацаваныя нафтапрадукты — $16,7 за 1 т (раней — $43,3), прамагонны бензін — за $9,1 за 1 т (раней — $23,8), таварныя бензіны, дызельнае паліва, лёгкія, сярэднія дыстыляты, бензол, талуол, ксілолы, альяс шмаравальны — $5 за 1 т (раней — $12,9).
Раней стаўкі вывазных мытных пошлін адносна сырой нафты і асобных катэгорый тавараў, выпрацаваных з нафты, змяняліся з 1 снежня 2022 года. Тады яны павышаліся.
Звязда, 3 студзеня 2023
