Алег Жыдкоў падкрэсліў, што сёння канцэрн «Белдзяржхарчпрам» асноўнай задачай перад прадпрыемствамі краіны ставіць нарошчванне аб’ёму выпуску імпартазамяшчальнага асартыменту. Тут максімальная доля і найбольшая ўдзельная вага прыпадае на прадукцыю кандытарскага асартыменту.

«Гэта значыць фактычна сёння нашы прадпрыемствы асвойваюць новыя віды прадукцыі, у тым ліку розныя віды шакаладаў, выпуск жавальных мармеладаў, вітамінізаваных цукерак, фруктовых мармеладаў — тых пазіцый, якія да нас традыцыйна паступалі з Заходняй Еўропы», – сказаў кіраўнік ведамства.

Таму сёння з гэтай мэтай распрацаваны шэраг новых рэцэптур, што дазваляе палепшыць смакавыя ўласцівасці выпусканага прадукту і выпускаць аналагі некаторых прадуктаў, якія раней у Беларусі не вырабляліся.

«1 красавіка мы запусцілі новае прадпрыемства, якое знаходзіцца ў Слаўгарадзе – лінію, якая дазволіць выпускаць да 3,5 тысячы тон прадукцыі штогод, асартыменту жэлейнай накіраванасці, фактычна ўсё тое, што прадстаўлена на паліцах пад гандлёвай назвай Haribo», – распавёў Алег Жыдкоў.

Звязда, 5 чэрвеня 2022