"У I квартале 2021-га арганізацыі канцэрна працавалі ва ўмовах стабільных паставак нафты з Расійскай Федэрацыі і росту каціровачных індэксаў на вырабляемую прадукцыю. У выніку мы бачым нядрэнныя лічбы ў справаздачнасці. У I квартале беларускія нафтавікі здабылі 400 тыс. т нафты. НПЗ перапрацавалі нафты ў паўтара раза больш, чым за той жа перыяд 2020 года, - 4,2 млн т. Таксама ў паўтара раза больш вырабілі нафтапрадуктаў - 3,6 млн т. Экспарт нафтапрадуктаў склаў $1 млрд", - сказаў Андрэй Рыбакоў.

Ён таксама адзначыў, што "Белнафтахім" у I квартале забяспечыў выкананне даведзеных мэтавых паказчыкаў эфектыўнасці. Тэмп росту экспарту тавараў перавысіў 151 працэнт, рэнтабельнасць продажаў склала 8 працэнтаў. Індэкс прамысловай вытворчасці - 117,5 працэнта, знізіліся запасы гатовай прадукцыі. У арганізацыях канцэрна прырост выручкі ад рэалізацыі прадукцыі склаў каля 37 працэнтаў. Расце і чысты прыбытак.

1 чэрвеня 2021, Мінск
БЕЛТА