Прадпрыемства "Беларуськалій" працуе ў штатным рэжыме, пра гэта паведаміў кіраўнік першаснай прафсаюзнай арганізацыі прадпрыемства Белхімпрафсаюза Андрэй Рыбак.

"Беларуськалій" працуе ў штатным рэжыме, прычым ужо не першы дзень: прынамсі, учора працаваў і сёння працуе ", - паведаміў Рыбак.

Паводле яго слоў, цяпер трэба будзе вырашыць пытанне аб тым, што рабіць з тымі, хто не выходзіў на працу ў мінулыя дні.

"Але яшчэ нікога не звольнілі", - удакладніў ён.

Нагадаем, у панядзелак працаўнікі прадпрыемства "Беларуськалій", чыю прадукцыю Беларуская калійная кампанія пастаўляе ў многія краіны свету, выйшлі на забастоўку. Такім чынам шахцёры выказваюць салідарнасць з мірнымі пратэстоўцамі і тымі, хто быў затрыманы ў ходзе акцый пратэсту.

Днём пазней старшыня Белхімпрафсаюза заяўляў, што вытворчасць на ААТ "Беларуськалій" не спынена, аднак магутнасці зніжаны: звязаныя з апошнімі падзеямі ў краіне рознагалоссі ў калектыве негатыўна адбіваюцца на вытворчым працэсе.

У БКК нягледзячы на хваляванні паабяцалі партнёрам выканаць усе дамоўленасці, незалежна ад развіцця сітуацыі ў краіне.

Мінск, 21 жніўня 2020
Sputnik