На думку Ермаловіча, Беларусі трэба звярнуць больш пільную ўвагу на лагістыку, таму што краіна ва ўмовах рэстрыкцый актыўна развівае пастаўкі ў краіны Афрыкі, Азіі і Лацінскай Амерыкі.

«Мы павінны задумацца аб уласным флоце, аб уласнай партовай інфраструктуры, выбудоўваць транспартную сістэму да партоў», — сказаў Ермаловіч у эфіры тэлеканала «Беларусь 1».

Разам з тым, паводле яго слоў, беларускі бок сумесна з расійскімі калегамі адпрацоўвае чыгуначныя лагістычныя маршруты як да партовай інфраструктуры, так і да канчатковага спажыўца. «Працуем па Кітаю, па партах — пашыраем прапускную здольнасць у гэтых напрамках», — дадаў намеснік кіраўніка адміністрацыі.

У частцы партовай інфраструктуры Ермаловіч лічыць, што Беларусь можа «ісці па ўсім свеце, шукаць магчымасці, дзе будзе прысутнічаць у партах са сваімі таварамі».

«Гандлёвы флот — таксама адна з задач, якую краіна рана ці позна будзе вырашаць, каб не залежаць ад перавозчыкаў, якія дыктуюць свае ўмовы», — адзначыў ён.

Звязда, 30 лістапада 2023