У праграме двухдзённага знаходжання прадугледжаны пазнавальныя экскурсіі, знаёмства з беларускімі славутасцямі, культурай і традыцыямі, а таксама дэгустацыі страў нацыянальнай кухні.

Так, у Брэсце ў праграму ўключана аглядная экскурсія па горадзе, наведванне Мемарыяльнага комплексу «Брэсцкая крэпасць-герой», экскурсія ў Нацыянальны парк «Белавежская пушча», а таксама прагулкі па гістарычным цэнтры.

У Мінску для турыстаў правядуць экскурсію па горадзе, а таксама арганізуюць наведванне замкавых комплексаў «Мір» і «Нясвіж».

Міжнародны сумесны праект ААТ «Расійскія чыгункі» і Беларускай чыгункі «Беларускі ваяж» стартаваў у жніўні 2022 года. За гэты час было арганізавана дзевяць рэйсаў турыстычных цягнікоў, якія перавезлі больш за 2,7 тысячы пасажыраў.

У планах на 2024 год працяг развіцця праекта, уключэнне ў праграму новых турыстычных аб’ектаў і славутасцей, у тым ліку экскурсіі на прамысловыя прадпрыемствы, якія з’яўляюцца брэндамі Беларусі.

Сяргей Расолька
Звязда, 30 кастрычніка 2023