Аб гэтым паведамілі ў прэс-цэнтры Беларускай чыгункі.
Беларуская чыгунка ў бліжэйшы час узмоцніць кантроль за безбілетным праездам у паяздах рэгіянальных ліній эканомкласа.
"Пройдзе дэкада кантролю на ўсіх аддзяленнях чыгункі. Графік праверак наяўнасці праязных дакументаў пабудаваны такім чынам, каб максімальна пракантраляваць сітуацыю ў паяздах рэгіянальных ліній эканомкласа", - адзначылі спецыялісты чыгункі. У рэйдах прымуць удзел кантралёры-рэвізоры сумесна з работнікамі ваенізаванай аховы і супрацоўнікамі транспартнай міліцыі. Акрамя таго, на станцыях адпраўлення і абароту паяздоў будзе праводзіцца перонны кантроль наяўнасці ў грамадзян праязных дакументаў.
У прэс-цэнтры звярнулі ўвагу, што ў час дэкады кантролю БЧ правядзе маніторынг пасажырапатоку.
6 жніўня 2014, Мінск
БЕЛТА
