З улікам попыту на перавозкі пасажыраў да ўжо назначаных раней на красавіцкія і майскія святы дадатковых паяздоў з 29 красавіка па 10 мая 2023 года назначаны яшчэ больш за 120 паяздоў міжрэгіянальных і міжнародных ліній.

У міжрэгіянальных зносінах паязды будуць курсаваць па найбольш запатрабаваных у пасажыраў напрамках: Мінск - Брэст, Мінск - Гомель, Мінск - Віцебск, Мінск - Гродна, Мінск - Магілёў, Мінск - Пінск, Гомель - Брэст, Гродна - Орша - Крычаў, Віцебск - Орша - Гродна, Мінск - Камунары і Камунары - Орша - Гродна.

У міжнародных зносінах ва ўзаемадзеянні з РЧ назначаны дадатковыя паязды для праезду арганізаваных груп і індывідуальных пасажыраў па маршрутах: Мінск - Масква, Мінск - Санкт-Пецярбург, Брэст - Масква, Полацк - Масква і Смаленск - Санкт-Пецярбург.

Таксама ў залежнасці ад попыту на перавозкі будзе павялічана колькасць месцаў для праезду пасажыраў у рэгулярных паяздах.

Больш падрабязную інфармацыю аб назначаных дадатковых паяздах і часе іх адпраўлення можна атрымаць на сайце БЧ, у мабільным дадатку "БЧ. Мой поезд", а таксама па тэлефоне 105.

7 красавіка 2023, Мінск
БЕЛТА