Паводле слоў Юрыя Назарава, такі аб`ём дасць магчымасць забяспечыць бесперабойную работу двух беларускіх нафтаперапрацоўчых заводаў на працягу месяца. Падкрэсліваючы значнасць рэалізацыі новага інвестпраекта ААТ "Гомельтранснафта Дружба", ён адзначыў: "Гэта так званая перамычка паміж паўднёвай і паўночнай веткамі беларускай нафтатранспартнай сістэмы дазволіць нам аператыўна звязваць два нафтаперапрацоўчыя аб`екты, перакідваць патокі нафты як мінімум паміж двума гэтымі буйнейшымі рэзервуарамі".

Сёння ў Гомельскім раёне ААТ "Гомельтранснафта Дружба" пачало будаўніцтва магістральнага нафтаправода Гомель - Горкі. Магутнасць магістралі складзе 6 млн т сыравіны ў год. Арыенціровачны кошт праекта, які рэалізуе "Гомельтранснафта Дружба" на ўласныя сродкі, складае Br300 млн. Генеральным падрадчыкам выступае РУП ВА "Беларуснафта".

22 кастрычніка 2020, Гомельскі раён
БЕЛТА