Лідар італьянскай партыі "Рух пяці зорак" Луіджы Дзі Маё заклікаў урад прадаставіць грамадзянства егіпецкаму хлопчыку, дзякуючы якому з захопленага кіроўцам аўтобуса ў прыгарадзе Мілана былі выратаваны больш за 50 чалавек. 

"13-гадовы Рамі Шэхата рызыкаваў сваім жыццём дзеля выратавання сваіх аднакласнікаў", - заявіў Луіджы Дзі Маё ў сваім Facebook, дадаўшы, што папросіць прэм`ер-міністра Італіі прадаставіць грамадзянства за асаблівыя заслугі. Бацька Рамі Шэхата імігрыраваў у Італію ў 2001 годзе, хлопчык нарадзіўся ўжо на тэрыторыі краіны, аднак дагэтуль не атрымаў італьянскага грамадзянства.

Інфармацыйнае агенцтва ANSA паведаміла, што Міністэрства ўнутраных спраў Італіі паскорыла хадайніцтва аб прадастаўленні грамадзянства для хлопчыка, адначасова спрабуючы адклікаць гэты статус у кіроўца, які выкраў аўтобус. Імігрант з Сенегала стаў грамадзянінам Італіі ў 2004 годзе.

Італьянскія паліцэйскія 20 сакавіка спынілі ў раёне Мілана спробу выкрадання школьнага аўтобуса кіроўцам, выхадцам з Сенегала. Ён адхіліўся ад маршруту і накіраваўся ў бок міланскага аэрапорта Лінатэ, не спыніўшыся на паліцэйскім пасту. У аўтобусе знаходзіўся 51 падлетак і некалькі суправаджальных асоб. Адзін са сведак здарэння расказаў, што спачатку кіроўца прывязаў настаўнікаў да дзвярэй аўтобуса, затым загадаў аднаму з прысутных звязаць дзецям рукі і сабраць тэлефоны. Калі карабінерам удалося спыніць аўтобус, вадзіцель плюхнуў на яго бензінам і падпаліў. У выніку ніхто не пацярпеў дзякуючы аператыўнаму паведамленню аб здарэнні, якое паступіла ад Рамі Шэхата. Пасля здарэння падлетка сталі называць героем.

Вядзецца расследаванне. Абвінавачаны мужчына ўжо трапляў у поле зроку праваахоўных органаў за нязначныя парушэнні.

22 сакавіка 2019, Мінск
БЕЛТА