Мінскі аўтазавод прадставіў у чацвер новы грузавік капотнай кампаноўкі для ралійнай каманды "МАЗ-СПОРТаўта".
Гаворка пра неабходнасць гоначнага капотніка для мазаўскай "стайні" ішла ўжо даўно, а на пачатку тыдня завадчане, нарэшце, паказалі тызер навінкі. Сёння ж каміён паўстаў перад журналістамі, выехаўшы з варот завода. Вонкава навінка, афарбаваная ў фірменныя колеры "чырвоных зуброў", падобная на велізарны джып.
"Нічога такога яшчэ не рабілі. Мы пастараліся стварыць адзін з самых прыгожых спартыўных грузавікоў у гісторыі. Ён не толькі магутны і манеўраны, але і эфектна выглядае", - распавёў кіраўнік каманды Сяргей Вязовіч.
Паводле інфармацыі аўтазавода, шасі "капотнік", які атрымаў завадскі індэкс МАЗ-6440RR - ужо праверана ралі-рэйдамі. Кабіна і капот выпускаюцца заводам машын, платформа абабітая сэндвіч-панэлямі са шклапластыка. Кампаноўка з капотам, вынесеным наперад, дазваляе больш правільна размеркаваць нагрузку паміж восямі і аблегчыць працу экіпажа - гоншчыкі будуць адчуваць менш вібрацый.
Пад ашалёўкай капота - шасціцыліндравы, турбірованный 960-моцны матор Gyrtech з АКПП Allison і "раздаткай" ZF. Па словах завадчан, гоначная машына спраектаваная і сабрана ў Беларусі, з прымяненнем не толькі замежных, але і айчынных камплектуючых.
Выпрабаванні грузавіка і шэрагу розных тэхнічных рашэнняў, прымененых ў ім, пачнуцца вясной. "Капотнік" будуць абкочваць на менш значных ралійных спаборніцтвах, у выпадку калі ён сябе праявіць - "Дакар-2020" яму забяспечаны.
"Са з`яўленнем капотніка мы не толькі зможам павысіць нашы шанцы на поспех, але і прадэманструем канструктарскія магчымасці Мінскага аўтазавода", - падкрэсліў Вязовіч, адзначыўшы, што "МАЗ-СПОРТаўта" з`яўляецца адным з фаварытаў ралі-рэйдаў.
Грузавікі капотнай кампаноўкі выкарыстоўваюць шматлікія ралійныя каманды з усяго свету. У прыватнасці, адзін з асноўных канкурэнтаў беларусаў - расіяне з "КАМАЗ-МАЙСТАР" - таксама выходзяць на старты на "капотніку".
МАЗаўскія канструктары даўно працавалі над гэтай машынай - "капотнік" дае магчымасць палепшыць развясоўку па восях і знізіць нагрузку на экіпаж, які падчас гонкі пакутуе ад трасяніны і вібрацый. Грузавік атрымаўся даволі кампактным і лёгкім і нагадвае вялікі джып.
"Ён не толькі магутны і манеўраны, але і эфектна выглядае. Падчас буйных ралі-рэйдаў увага яму забяспечана", - распавёў кіраўнік экіпажа МАЗа Сяргей Вязовіч.
На прэс-канферэнцыі ў Мінску з нагоды прэзентацыі навінкі ён адзначыў, што пакуль у беларускай каманды няма вопыту кіравання грузавіка такога тыпу. Але, па словах гоншчыка, тыя ралійныя каманды, якія пераселі з "прамых" грузавікоў на капотныя, назад не вярталіся.
Каманда не адправіць навінку на "Дакар-2019", які стартуе 6 студзеня ў Перу, тры баявыя каміёны, на якіх экіпажы будуць удзельнічаць у адной з самых складаных гонак планеты, ужо на шляху ў Паўднёвую Амерыку.
"Капотнік" пройдзе выпрабаванні ў ралі ў Астрахані і Казахстане, а затым, у выпадку поспеху, адправіцца і на "Дакар-2020".
Па словах Вязовіча, у адрозненне ад камазаўскі "Чорнага рыцара", які не можа прайсці амалагацыю з-за адсутнасці ў расіян серыйнай капотнай мадэлі, беларускі каміён справіцца і з гэтым выпрабаваннем.
Sputnik, 20 снежня 2018
Sputnik, 20 снежня 2018
