Прэзідэнт Расіі Уладзімір Пуцін заявіў, што краіны Мытнага саюза, у які, акрамя РФ, уваходзяць Беларусь і Казахстан, вывучаюць магчымасць стварэння зоны свабоднага гандлю з Егіптам.
Пра гэта Пуцін паведаміў пасля перамоваў у Сочы з егіпецкім калегам Абдэль Фатахам ас-Сісі.
Пуцін таксама заявіў, што Егіпет гатовы ў бліжэйшы час на 30% павялічыць пастаўкі сельгаспрадукцыі ў Расію.
Па словах кіраўніка расійскай дзяржавы, бакі дамовіліся аб увядзенні спрошчанага рэжыму доступу егіпецкіх тавараў на рынак Расіі.
Перамовы кіраўнікоў Расіі і Егіпта праходзяць на фоне санкцый, раней уведзеных краінамі Захаду ў дачыненні да Расіі, і мер у адказ, прынятых расійскімі ўладамі па абмежаванні доступу на ўнутраны рынак харчавання з заходніх краін.
Звязда, 12 жніўня 2014
