Беларусь і Казахстан абсалютна дакладна выбралі для супрацоўніцтва прамысловую сферу і вытворчую кааперацыю, заявіў у сераду прэм’ер-міністр рэспублікі Аляксандр Турчын на сустрэчы з казахстанскім калегам Алжасам Бекценавым.
Паводле яго слоў, цяпер адносіны паміж дзвюма краінамі знаходзяцца на высокім узроўні. У пытаннях гандлёва-эканамічнага супрацоўніцтва Казахстан для Беларусі – важнейшы партнёр.
Аляксандр Турчын нагадаў, што ў папярэднія гады ўдалося дабіцца значных вынікаў пры рэалізацыі сумесных праектаў у сферы машынабудавання.
"Гэта было абсалютна правільнае рашэнне і цяперашняя сітуацыя паказвае, што рэалізацыя менавіта такіх мерапрыемстваў адпавядае інтарэсам нашых краін", - цытуе Аляксандра Турчына прэс-служба Саўміна.
Пасля чаго дадаў, што зборачная вытворчасць беларускіх камбайнаў, трактароў, грузавых аўтамабіляў развіваецца ў Казахстане на добрым узроўні.
Кіраўнік беларускага ўрада звярнуў увагу на магчымасць арганізацыі зборкі ў Казахстане беларускай кар’ернай тэхнікі і іншыя сумесныя праекты, якія патрабуюць інтэнсіфікацыі адносін.
"Беларусь і Казахстан абсалютна правільна выбралі ключавы вектар развіцця супрацоўніцтва – прамысловая сфера і развіццё вытворчай кааперацыі", - сказаў беларускі прэм’ер.
На яго думку, асноўнай задачай у бліжэйшы час павінна стаць нарошчванне станоўчай дынамікі ў гандлі. Патэнцыял для таго, каб павялічыць пастаўкі тавараў, як беларускіх, так і казахстанскіх, ёсць.
Патэнцыял супрацоўніцтва
У сваю чаргу Алжас Бекценаў адзначыў, што тавараабарот Беларусі і Казахстана па выніках I квартала 2025 года вырас на 3,6% у параўнанні з аналагічным перыядам мінулага года і склаў 200 млн долараў.
"Патэнцыял супрацоўніцтва паміж нашымі краінамі вялікі, і нам ёсць да чаго імкнуцца", - падкрэсліў прэм’ер Казахстана.
