Па якой прычыне спыненыя паўнамоцтвы Назарбаевай, не удакладняецца. Тэкст адпаведнага ўказа на сайце прэзідэнта Казахстана пакуль не апублікаваны.
Такаеў у twitter падзякаваў Назарбаевай за "актыўную і плённую працу" на пасадзе спікера сената.
Дарыга Назарбаева - старэйшая дачка першага прэзідэнта Казахстана Нурсултана Назарбаева, які займаў гэты пост амаль 30 гадоў.
Назарбаеў абвясціў аб адстаўцы ў сакавіку 2019 года. На наступны дзень яго дачка была абраная спікерам сената - верхняй палаты парламента Казахстана.
Дарыга Назарбаева была дэпутатам сената Казахстана з 2016 года. Да гэтага яна была дэпутатам ніжняй палаты парламента Казахстана (мажыліса), займала пасады віцэ-спікера мажыліса і намесніка прэм`ер-міністра Казахстана.
Звязда, 2 траўня 2020
